काठमाडौं । जनता समाजवादी पार्टी,नेपाल (जसपा) का वरिष्ठ नेता राजेन्द्र महतोले बहुल राष्ट्रिय राज्यका आधारमा देशको शासन र संविधान निर्माण हुनुपर्ने दोहोर्याएका छन् ।
बिहीवार काठमाडौंमा जसपा निकट योङ ईण्डिजिनिष्ट लिगको प्रारम्भीक भेलामा महतोले बहुल राष्ट्रिय राज्य स्थापित नभएसम्म पछाडि परेका जनताको अधिकार स्थापित हुन नसक्ने भन्दै बहुल राष्ट्रिय राज्यका आधारमा देशको शासन र संविधान निर्माण हुनुपर्ने बताए ।
एकल राष्ट्रिय राज्यको चिन्तन र सोचबाट भएकै कारण समस्या उत्पन्न भएको र उत्पीडित जनताले अधिकार पाउन नसकेको बताउँदै महताेलेमुलुकमा सातवटा संविधान आएपनि जनता भने अझै पनि अधिकारबाट बञ्चित हुनुपरेको तर्क गरे ।
उनले यसअघिको सरकारले सुखी नेपाली समृद्ध नेपालको नारा लिएपनि सो बमोजिम काम गर्न नसकेको आरोप लगाए । बहुलराष्ट्रिय राज्य नेपाल स्थापनाका लागि भन्दै योङ ईण्डिजिनिष्ट लिग गठन गरिएको जसपाका नेताहरुले बताएका छन् ।
Copyright © All right reserved to webtvkhabar.com Site By: SobizTrend Technology