काठमाडौं । उपप्रधानमन्त्री तथा नेकपा एमालेका महासचिव ईश्वर पोखरेलले दलहरूसँग सहकार्य हुन नसके एमाले मध्यावधि निर्वाचनमा जाने बताएका छन् ।
वीरगन्जस्थित होटल भिस्वामा आज आयोजित पत्रकार सम्मेलनमा बोल्दै पोखरेलले यस्तो बताएका हुन् ।
‘पुनर्जिवित एमाले अब संसदीय प्रक्रियाबमोजिम परिवर्तित ढंगले अगाडि बढ्छ । माओवादी केन्द्रले समर्थन फिर्ता लिए सरकराले अन्य दलहरूसँग सहकार्य गर्छ । दलहरूबीच सहकार्य हुन नसके देश मध्यावधि निर्वाचनमा जान्छ,’ पोखरेलले भने ।
उनले अबको एमाले पुरानै बिन्दुबाट अघि बढ्नेसमेत बताएका छन् । ‘एमालेलाई माओवादी केन्द्रसँग एकता गर्नुअघि ०७५ जेठ २ कै अवस्थाबाट अघि बढाइने छ,’ पोखरेलले भने ।
माओवादी केन्द्रबाट आएका नेतालाई सम्मानजन व्यवस्थापन गरी विगतका कमीकमजोरीलाई समीक्षा गरेर एमालेलाई अगाडि बढाइने पोखरेलले स्पष्ट पारे ।
Copyright © All right reserved to webtvkhabar.com Site By: Sobij
