इसीडी शिक्षकको तलब बढ्यो

काठमाडौं । भेरी नगरपालिकाले इसीडी शिक्षकका लागि तलबमा सहयोग गर्ने भएको छ । सरकारले इसीडी शिक्षकलाई ८ हजार रूपैयाँ तलब दिएकोमा भेरी नगरपालिकाले सो तलबमानमा सहयोग गर्ने भएको हो ।

सरकारले आगामी आर्थिक वर्ष २०७८/०७९ को बजेटमा बालविकास कक्षामा कार्यरत सहजकर्ताको मासिक तलब ६ हजारबाट १५ हजार बनाउने घोषणा गरेको थियाे ।

तर,संघीय सरकारले दुई हजारमात्र तलब बढाएर अन्य सात हजार स्थानीय तहले ब्यहोर्ने जनाएको छ । तर,कतिपय स्थानीय सरकारले बजेटले त्यति धेरै तलब धान्न नसकिने भन्दै तलब बढाउन नमानिरहेको अवस्थामा भेरी नगरपालिकाले भने सरकारले तोकेअनुसार नै पुरै व्ययभार लिन अग्रसर देखिएको छ ।

यी हुन् इसीडी शिक्षकलाई तलब नदिने स्थानीय तह

भेरी नगरपालिकाले हालै सार्वजनिक गरेको आगामी आर्थिक वर्षको बजेटमासमेत बालविकासमा कार्यरत शिक्षक, लेखा सहायक र विद्यालय सहयोगीहरुको तलबका लागि बजेट विनियोजन गरेको नगरप्रमुख चन्द्रप्रकाश घर्तीले जानकारी दिए ।

तीन सयबाट पढाउन सुरु गरेका शिक्षकहरुको तलबमान मासिक १५ हजार पाउने गरि नगरसभाबाट ब्यवस्था गरिएको नगरप्रमुख घर्तीले बताए ।

यस्तै न्युन तलब भत्ता पाउँदै आएका विद्यालयका प्रशासन तथा लेखा सहायक र विद्यालय सहयोगीका लागि पनि प्रति महिना सात हजार रुपैया वृद्धि गर्ने गरी नगरपरिषद्ले एक करोड रूपैयाँ विनियोजन गरेको छ ।

शिक्षक महासंघ, इसीडी शिक्षक र विद्यालय कर्मचारीद्वारा महालक्ष्मी नगरपालिकामा धर्ना, माग पुरा नभए कडा कदम चालिने