तनहुँ । व्यास नगरपालिकाले नगर क्षेत्रभित्र रहेका ४९ विद्यालयलाई प्रतिविद्यालय १ लाख रुपैयाँका दरले रकम उपलब्ध गराउने निर्णय गरेको छ ।
नगरपालिकाको भदाै ८ (मंगलबार) बसेको कार्यपालिकाको बैठकले प्रतिविद्यालय १ लाखका दरले ४९ लाख रुपैयाँ उपलब्ध गराउने निर्णय गरेको हो ।
प्रविधिमैत्री कार्यका लागि उक्त रकम उपलब्ध गराउने निर्णय गरिएको नगरपालिकाका प्रवक्ता मोहनकुमार श्रेष्ठले जानकारी दिए । उक्त रकमबाट विद्यालयले आवश्यक प्रविधि खरिद गर्ने उनकाे भनाइ छ ।
श्रेष्ठले भने,‘उक्त कार्यका लागि विद्यालयलाई प्रस्ताव पेश गर्न आह्वान गरेका थियौँ, विद्यालयले पेस गरेको प्रस्तावका आधारमा सबै विद्यालयलाई एक लाखका दरले उपलब्ध गराउने निर्णय भएको छ ।’
Copyright © All right reserved to webtvkhabar.com Site By: SobizTrend Technology