वेबटिभी खबर
एजेन्सी । भारतमा पछिल्लो २४ घण्टामा ९ हजार दुई सय ८३ जना नयाँ कोरोना संक्रमित थपिएका छन् । योसँगै सक्रिय संक्रमितको संख्या एक लाख ११ हजार ४८१ पुगेको छ । यो रेकर्ड ५ सय ३७ दिन यताकै कम रहेको भारतीय केन्द्रीय स्वास्थ्य मन्त्रालयले जनाएको छ ।
पछिल्लो २४ घण्टामा ४ सय ३७ जनाको मृत्यु भएको छ भने १० हजार ९४९ जना संक्रमित निको भएर घर फर्किएका छन् ।
पछिल्लो केही दिनयता भारतमा दैनिक संक्रमित हुनेको संख्यामा कमी आएको देखिन्छ । मंगलबार यहाँ ७ हजार ५७९ जनामा कोरोना भाइरस संक्रमण पुष्टि भएको थियो ।
कोरोना संक्रमितको संख्यामा कमी देखिएसँगै देशको अर्थव्यवस्थामा सुुधार हुने स्वास्थ्यविज्ञको भनाई छ ।
Copyright © All right reserved to webtvkhabar.com Site By: SobizTrend Technology
