वेबटिभी खबर
जलेश्वर । भारतबाट भन्सार छली नेपाल ल्याएको ३१ बोरा चिनी आइतबार राति महोत्तरी प्रहरीले बरामद गरेको छ ।
जिल्ला प्रहरी कार्यालयका प्रहरी नायब उपरीक्षक प्रकाश विष्टका अनुसार जिल्लाको पश्चिमी दक्षिण सीमानाकामा अवस्थित सम्सी गाउँपालिका-७ बाट चिनी बरामद गरिएको हो ।
प्रहरीले चिनीसँगै भोजपत्ता एक बोरा र मिठाईमा प्रयोग गरिने रङ एक बोरासमेत नियन्त्रणमा लिएको छ ।
साथै ओसारपसारमा प्रयोग गरिएको बीआर ०६ एबी १७६९ र बीआर ३० यु २२४६ नम्बरको दुई मोटरसाइकल पनि प्रहरीले बरामद गरेको छ । बरामद चिनीसहितका सबै सरसामान प्रहरीले भन्सार कार्यालयलाई बुझाउने तयारी गरिरहेको छ ।
Copyright © All right reserved to webtvkhabar.com Site By: Sobij
