काठमाडौं । नेकपा एमाले माधव नेपाल पक्षका नेता योगेश भट्टराईलाई अध्यक्ष तथा प्रधानमन्त्री केपी शर्मा ओलीका प्रेस सल्लाहकार सूर्य थापाले धन्यवाद दिँदै दुई वटा प्रश्न गरेका छन् ।
नेता भट्टराईले दुई दिनअघि सामाजिक सञ्जालमार्फत पार्टी एकताका लागि हरसम्भव प्रयासका लागि सबैसँग गरेको अपिलप्रति ओली समूहका एमाले केन्द्रीय सदस्य थापाले आज (शनिबार) सामाजिक सञ्जालबाटै प्रतिक्रिया जनाएका हुन् ।
पार्टी एकताका लागि गरेको अनुरोधलाई ‘सच्चाइबोध’ को संज्ञा दिँदै थापाले भट्टराईलाई धन्यवाद दिएका हुन् । सँगसँगै उनले दुई वटा प्रश्न पनि राखेका छन् ।
याेगेशजीकाे सच्चाइबाेधलाई धन्यवाद !
— Surya Thapa (@ThapajiSurya) March 27, 2021
तर यी तथ्य बिर्सनै नमिल्ने छन् -
१. बिगार्न बाँकीचाहिँ के नै राख्नुभयाे ? पुस ५ गतेयता हेरिटेज गार्डेनसम्मका तथाकथित भेलाहरूमा आफ्नै भूमिकाकाे आत्मसमीक्षा गर्नुभएकाे छ ?
२. फागुन २३ पछि पार्टी निकट पत्रकारहरूका फुटगत भेला कति वटा गर्नुभयाे ? https://t.co/R3b7Bvf33F
Copyright © All right reserved to webtvkhabar.com Site By: SobizTrend Technology