काठमाडौं । राष्ट्रिय प्रजातन्त्र पार्टी (राप्रपा) को एकता महाधिवेशनअन्तर्गत नयाँ नेतृत्त्व चयनका लागि भएको निर्वाचनमा राजेन्द्र लिङ्देन अध्यक्षमा निर्वाचित भएका छन् ।
उनको जितमा अध्यक्षका अर्का उम्मेदवार कमल थापाले सामाजिक सञ्जालमार्फत शुभकामना दिएका छन् ।
थापाले हार स्वीकार गर्दै आफूले राहत र उन्मुक्ति पाएको बताएका छन् । पार्टीको आन्तरिक प्रतिस्पर्धामा निर्मल निवासको हस्तक्षेप रहेको भन्दै आक्रोश समेत पोखेका छन् ।
निर्वाचन समितिका अनुसार लिङ्देन एक हजार ८४४ मत ल्याएर वियजी भएका हुन् भने थापाले एक हजार ६१७ मत प्राप्त गरेका छन् । ४३१ मत बदर भएको छ ।
प्रजातान्त्रिक मूल्य र मान्यता आत्मसात गर्दै राप्रपा अध्यक्ष पदको निर्वाचनमा भएको पराजय सहर्ष स्विकार गर्दछु।नवनिर्वाचित अध्यक्ष राजेन्द्र लिङदेनलाई वधाई तथा शुभकामना।
— Kamal Thapa (@KTnepal) December 5, 2021
प्रतिकुल परिस्थितिमा समेत हामी माथि विश्वास र भरोसा गर्ने पार्टीका सम्पूर्ण साथीहरुमा आभारी छु।
सिङ्गो मुलुक गणतन्त्रमय भएको बेला शिरमा कफन बाँधेर २०६३ साल देखि राजसंस्था बोकेर हिँडेको पुरस्कार आज पाईयो।सो एजेण्डाको मुल संवाहकलाई राजनीतिकरुपमा समाप्त पार्न गरिएको चेष्टाले राजाको भलो होस्।
— Kamal Thapa (@KTnepal) December 5, 2021
हार्दिक शुभ-कामना।
Copyright © All right reserved to webtvkhabar.com Site By: SobizTrend Technology