वेबटिभी खबर
काठमाडौं । जुम्लाको हिमा गाउँपालिकामा एक सातादेखि टेलिफोन सेवा अवरूद्ध भएको छ । नेपाल टेलिकम जुम्लाकाअनुसार हिमा गाउँपालिकाको कुडुमा रहेको टेलिकमको टावरमा समस्या भएकाले सेवा अवरूद्ध भएको हो ।
नेपाल टेलिकम जुम्लाका कार्यालय प्रमुख रामचन्द्र श्रेष्ठले टावरको हर्नमा क्षति हुनुका साथै आवश्यक सामान नपाउँदा एक सातादेखि सेवा अवरूद्ध भएको बताए ।
उनले भने, ‘काठमाडौंबाट सामान मगाइएको छ । सामग्री जहाजमा आउँदै छ । सामान आइपुगेका केही समयमा टेलिफोन सेवा सुरु हुन्छ ।’
Copyright © All right reserved to webtvkhabar.com Site By: Sobij
