वेबटिभी खबर
काठमाडौं । सोमबार रातिदेखि परेको अविरल वर्षासँगै आएको पहिरोले डुम्रे–बेंसीशहर सडकखण्डअन्तर्गत उदिपुरखण्ड अवरूद्ध भएको छ ।
डुम्रे-बेंसीशहर सडक खण्डअन्तर्गत बेँसीशहर नगरपालिका-१ उदिपुर नजिकै देउराली डाडाको पहिरोले सडक अवरूद्ध भएको लमजुङका प्रहरी प्रमुख डिएसपी कृष्ण बहादुर कार्कीले बताए ।
उनका अनुसार गत वर्ष र केही दिनअघि गएको पहिरोले अवरूद्ध सडकका कारण वैकल्पिक रूपमा आर्मी ब्यारेक, रिट्ठेबगर हुँदै उदिपुर जोडिने सडकमा पहिरोले ढुङ्गा माटोसहित अवरूद्ध बनाएपछि सवारी साधन सञ्चालन ठप्प भएको छ
सडकअवरूद्ध भएपछि काठमाडौं, पोखरा, चितवनतर्फ जाने र बेंसीशहरतर्फ आउने सवारी साधन चल्न सकेका छैनन् ।
Copyright © All right reserved to webtvkhabar.com Site By: Sobij
