प्रारम्भिक बालविकास सहजकर्तालाई श्रमऐनअनुसार तोकिएको तलब दिन सरकारलाई गाह्रो परिरहेको छ । तलब खुवाउन नै गाह्रो पर्ने हो भने इसीडी शिक्षकको दरबन्दी खारेज गर्नुको विकल्प देखिन्न । सरकारले शैक्षिक सुधारको कुरा मुखले मात्रै गरेको छ तर व्यवहारमा लागु गरेकाे छैन ।
देशभरका इसीडी शिक्षक साथीहरूले आर्थिक वर्ष २०७७/७८ कै तलब पाउनु भएको छैन । यस आर्थिक वर्षमा बढाइएको भनिएको तलब २ हजारसमेत गरि रू १७ हजार कहिले पाउने ? कतिपय स्थानीय तहले अझै पनि सात हजार दिएका छैनन् । कहिले दिने ? तलबकै लागि कतिन्जेल आन्दोलन गर्ने ? ज्ञापनपत्र कति बुझाउने ?
अर्काेतर्फ आफ्ना नातागोता र छरछिमेकीलाई इसीडी शिक्षकको रूपमा जागिर खुवाइन्छ । खुला प्रतिस्पर्धा गराएर योग्य शिक्षक छानिदैन । इसीडी कोटालाई किन यतिधेरै हेलाँ गरिन्छ ? इसीडी शिक्षकका माग कुनै हालतमा पनि सरकारले पूरा गर्नुपर्छ । बेवास्ता गर्ने छुट कसैलाई छैन ।
लेखक इसीडी शिक्षक हुन् ।
याे पनि
Copyright © All right reserved to webtvkhabar.com Site By: SobizTrend Technology