वेबटिभी खबर
काठमाडौं । सरकारले त्रिभुवन विमानस्थल काठमाडौंबाहेक देशका थप चारवटा विमानस्थलबाटसमेत आकस्मिक उडानको अनुमति दिएको छ ।
नेपाल नागरिक उड्डयन प्राधिकरणले त्रिभुवन विमानस्थल काठमाडौंबाहेक मोफसलका थप चार विमानस्थललाई आकस्मिक उडान गर्न सकिने गरी अधिकार प्रत्यायोजन गरेको हो ।
अब वायुसेवा कम्पनीले आपतकालिन अवस्थामा काठमाडौंबाहेक मोफसलका थप चार विमानस्थलबाटसमेत आकस्मिक उडान अनुमति लिन सक्ने प्राधिकरणले जनाएको छ ।
त्रिभुवन विमानस्थल काठमाडौं, नेपालगन्ज नागरिक उड्डयन कार्यालय, पोखरा नागरिक उड्डयन कार्यालय, सुर्खेत नागरिक उड्डयन कार्यालय र लुक्लास्थित तेन्जिङ हिलारी विमानस्थलबाट आकस्मिक उडानको अनुमति लिन सकिने प्राधिकरणले जनाएको छ ।
कोरोना संक्रमणको जोखिम बढेसँगै सरकारले २१ वैशाखदेखि देशभित्र हुने नियमित हवाइ उडानमा प्रतिबन्ध लगाएको छ ।
Copyright © All right reserved to webtvkhabar.com Site By: Sobij
