वेबटिभी खबर
काठमाडौं । नेपाल विद्यालय कर्मचारी परिषद् राष्ट्रिय समिति र अर्थ मन्त्रालयबीच कर्मचारीले उठाएका मागका विषयमा आज बुधबार छलफल भएको छ ।
कर्मचारी परिषद्का अध्यक्ष गंगाराम तिवारीले अर्थ मन्त्री जनार्दन शर्मासहित मन्त्रालयका अधिकारीसँग विद्यालय कर्मचारीले उठाएका विभिन्न मागका विषयमा घनीभूत छलफल भएको जानकारी दिए ।
उनले भने,‘माननीय अर्थ मन्त्री जनार्दन शर्मासँग विद्यालय कर्मचारीका माग/मुद्दामा छलफल भएको छ ।’
अध्यक्ष तिवारीले केही समय लागे पनि उपलब्धि लिएरै छाड्ने बताएका छन् ।
उनले भने,‘आशा गरौं केही समय लागे पनि उपलब्धि हुने नै छ । नलिइकन छाड्ने छैनौं ।’
सरकारी पक्ष र कर्मचारी परिषदबीच पटक–पटक वार्ता तथा छलफल हुँदै आएको छ ।
Copyright © All right reserved to webtvkhabar.com Site By: SobizTrend Technology
