वेबटिभी खबर
काठमाडौं । बारामा एकैपरिवारका तीन जनाको हत्या भएको छ । प्रसौनी गाउँपालिका–५ प्रष्टोका गाउँका २५ वर्षीया सुजाता चौधरी, उनकी छोरी ३ वर्षीया ताहिरा चौधरी र १६ महिनाको राजवीर चौधरीको हत्या भएको प्रहरीले जनाएको छ ।
जिल्ला प्रहरी कार्यालय बाराका प्रमुख प्रहरी उपरीक्षक (एसपी) होलिन्द्र बोगटीका अनुसार प्रारम्भिक अनुसन्धानमा उनीहरूको घाँटी रेटेर हत्या भएको हुनसक्ने देखिएको छ । हत्या आफन्तबाटै भएको प्रहरीको प्रारम्भिक अनुमान छ ।
एसपी बोगटीले थप अनुसन्धान भएपछि सबै विषयहरू खुल्ने बताए । उनले वेबटिभी खबरसँग भने,‘आफन्तबाटै हत्या भएको प्रहरीको प्रारम्भिक अनुमान छ । थप अनुसन्धान हुँदै गएपछि सबैकुरा खुल्छ ।’
Copyright © All right reserved to webtvkhabar.com Site By: Sobij
