मोरङ । उर्लाबारी नगरपालिकाका सामुदायिक विद्यालयमा कार्यरत प्रारम्भिक बालविकास सहजकर्ता (इसीडी शिक्षक) हरूले गत साउन महिनादेखिको तलब रोकिएपछि नगरपालिकाको ध्यानाकर्षण गराएका छन् ।
नगरपालिकाले दिनुपर्ने रू ७ हजार रूपैयाँ रोकिएपछि इसीडी शिक्षकहरूले आज नगरपालिका प्रमुखसमक्ष लिखित रूपमा ध्यानाकर्षण गराएका हुन् ।
नेपाल बालविकास शिक्षक संघर्ष समिति उर्लाबारी मोरङकी अध्यक्ष फरिदा घिमिरेको नेतृत्वमा ३१ जना इसीडी शिक्षकहरू नगरपालिका पुगेका थिए ।
इसीडी शिक्षकहरूलाई नगरप्रमुख गंगाप्रसाद खरेल, प्रमुख प्रशासकीय अधिकृत अग्निप्रसाद अधिकारी र लेखा अधिकृत गोविन्द कार्कीले आर्थिक स्रोत जुटाएर १५ माघसम्म एकमुस्ट रूपमा रोकिएको तलब उपलब्ध गराउने प्रतिबद्धता जनाए । नगरपालिकाले ७ हजारमा १ हजार रूपैयाँ थप गरेर तलब दिने पनि बताएकाे छ ।
इसीडी शिक्षकहरूले संघीय सरकारले उपलब्ध गराउने तलब रू १० हजार भने पाएका छन् ।
Copyright © All right reserved to webtvkhabar.com Site By: SobizTrend Technology