Logo

२०७९, माघ २५ गते बुधवार

२०७९, माघ २५ गते बुधवार

images

सधैँ छटपटमा किसान

सधैँ छटपटमा किसान

  • 136
    SHARES
  • सधैँ छटपटमा किसान

    फाइल तस्बिर

    images

    कपिलवस्तु । कपिलवस्तु नगरपालिका-९ का शिवपुजन बरईको परिचय व्यावसायिक तरकारी किसानका रूपमा छ । मौसमी तथा बेमौसमी तरकारी खेती गर्दै आएका बरईको खेतमा अहिले टमाटर बेच्ने अवस्थामा छ ।

    साथमा काउली, बन्दा, मुलालगायतका तरकारी बिक्री हुने अवस्थामा छ । वैशाख, जेठलाई लक्षित गरेर उनले तरकारी लगाउन थालेका छन् । बरई आफूले गरेको मेहेनत देखेर जसरी खुसी देखिन्छन्  उत्तिनै चिन्ता बजार मूल्यको छ ।

    उनले भने, ‘अहिलेसम्म पर्याप्त मल पाइएको छैन । बीउबिजन पनि गुणस्तरहीन हुँदा आपतउस्तै छ । किसानको जीवन सधैँ चिन्तामा बित्ने भयो ।’ बजार अभावले सधैँ किसानलाई पिरोल्ने गरेको उनको भनाइ छ । तरकारले मूल्य नपाउँदा सधैँ किसान मारमा पर्ने गरेको उनले बताए । बजार अभावका कारण पनि व्यवसायिक तरकारी खेती गर्ने किसानलाई समास्या हुने गरेको उनले बताए ।

    उनका बुवाले पनि यही पेशा गरेकाले आफू पनि यसमै लागिको उनले बताए । उनले भने, ‘म ४० वर्षको भएँ । यही तरकारी खेतीबाहेक दायाँबायाँ लागेको छैन ।’ पुर्खौँदेखि तरकारी खेती गरे पनि उनको जीवन भने फेरिएको छैन । घरको स्थिति विगत जस्तै छ । छोराछोरी सरकारी विद्यालयमा जसोतसो पढ्न पाएका छन् ।

    अर्का किसान श्रीप्रसाद मौर्या पनि व्यावसायिक तरकारी खेती गर्न लागेको तीन दशक बढी भएको छ । पन्ध्र कठ्ठा क्षेत्रफलमा मौर्याले तरकारी खेती गर्दै आएका छन् । बाह्रै महिना तरकारी फलाउने मौर्याको जीवन बरईकोभन्दा फरक छैन ।

    उनले भने, ‘वर्षभरि तरकारी खेती गर्यो, आम्दानी र खर्च बराबर हुन्छ । तरकारी फलायो फलायो मूल्य पर्दैन, समयमा मल पाइँदैन, बीचमा बिचौलिया हाबी हुन्छन् । लगानी पनि उठ्न सक्दैन ।’

    अहिले बजारमा पाइने सबैथरिका मौसमी तरकारी उनले उत्पादन गरेका छन् । तर उनको मनमा खुसी भने छैन । भारतबाट चर्को मूल्यमा मल ल्याउनुपर्ने अवस्था भएको उनको गुनासो छ ।

    जसोतसो उत्पादन गरेको तरकारी पनि बजारसम्म पुर्याउन निकै कठिन भएको उनले बताए । बरई र मौर्याका जस्तै यहाँ व्यावसायिक तरकारी खेती गर्ने किसानको सामूहिक समस्या हो ।

    जिल्लामा व्यावसायिक तरकारी खेती गर्दै आएका किसानले विभिन्न समस्या झेल्दै आएका छन् । समयमा मलखाद र बीउ नपाइनु, सिँचाइ सुविधा अभाव हुनु, बिक्री केन्द्र नहुनु र बीचमा बिचौलिया हाबी हुँदा व्यावसायिक तरकारी खेती गर्दै आएका किसान मर्कामा छन् ।

    कृषि ज्ञान केन्द्र कपिलवस्तुका अनुसार पछिल्लो समय व्यावसायिक तरकारी खेती गर्ने किसानको संख्यामा वृद्धि भएको छ ।

    जिल्लाका साविक धनकौली, निग्लिहवा, विजुवा, नन्दनगर गाविस, कपिलवस्तु नगरपालिका वडाको वडा नं ३, ४, ५, बुद्धभूमि नगरपालिकाको बुड्ढी, शिवराज नगरपालिकाको शिवपुर, चन्द्रौटा, बाणगङ्गा नगरपालिकाको मोतीपुरलगायतका स्थानमा व्यावसायिक तरकारी खेती हुँदै आएको कार्यालयले जनाएको छ ।

    जिल्लाको उत्तरी क्षेत्रमा बजारीकरण भएको कारण किसानले उत्पादन गरेको तरकारी सजिलै बिक्री हुने गरे पनि दक्षिणी क्षेत्रका किसान मर्कामा पर्ने गरेका छन् । भारतीय सीमाबाट दैनिक भित्रने तरकारीले बजार ढाक्दा नेपाली किसान मर्कामा परेका हुन् । भारतको भन्दा नेपालको तरकारी महँगो हुने किसान बताउँछन् ।

    ‘उत्पादन लागत बढ्दा स्वभाविक बेच्दा महँगो पर्छ, भारतबाट आउने तरकारी तुलनात्मकरूपमा सस्तो पर्छ, तौलिहवाका तरकारी किसान राम गुप्ताले भने, ‘ यसले गर्दा हामी मर्कामा छौँ ।’ यहाँ सडकको राम्रो पहुँच नहुँदा पनि दक्षिणी भेगका किसान मर्कामा पर्ने गरेका छन् ।

  • सम्बन्धित विषय:

  • # किसान

  • सम्बन्धित समाचार
    धेरै पढिएको

    Copyright © All right reserved to webtvkhabar.com Site By: SobizTrend Technology