काठमाडौं । साहित्यकार डा. रमेश शुभेच्छुले सिन्धुपाल्चोक सदरमुकाम चौतारास्थित चौतारा बहुमुखी क्याम्पसलाई पुस्तक हस्तान्तरण गरेका छन् ।
शुक्रबार उनले क्याम्पसको पुस्तकालयलाई करिब पाँच दर्जन पुस्तक प्रदान गरेका हुन् ।
चौतारा बहुमुखी क्याम्पसका क्याम्पस प्रमुख नगेन्द्र दङ्गाललाई पुस्तक हस्तान्तरण गर्दै शुभेच्छुले ज्ञान भण्डारमा केही थोपा ज्ञानका स्रोतसामग्री थप गर्न पाएकामा खुसी व्यक्त गरेका थिए ।
पुस्तक बुझ्दै चौतारा क्याम्पसका क्याम्पस प्रमुख नगेन्द्र दङ्गालले डा.शुभेच्छुले क्याम्पसको विकासमा बौद्धिक र प्राज्ञिक सहयोग गर्दै आएको बताए ।
शुभेच्छुका अनुसार समाजको विकास भवन, भ्युटावर, पुलपुलेसा र चिल्ला सडक एवम् अग्ला भवनले मात्र हुँदैन ।
उनले भने, ‘सभ्य समाज विकासका लागि पुस्तकालय, विद्यालय, महाविद्यालय र विश्वविद्यालयहरू बन्नुपर्छ । यी सबै पक्षको जग पुस्तकालय हो ।’
Copyright © All right reserved to webtvkhabar.com Site By: SobizTrend Technology