वेबटिभी खबर
काठमाडौं । त्रिवेणी गाउँपालिका रुकुमपश्चिमकी प्रारम्भिक बालविकास शिक्षक निर्मला वलीले बालशिक्षकलाई अपहेलना गरेर शिक्षाको जग बलियो नहुने दाबी गरेकी छिन् ।
उनले भनिन्, ‘जबसम्म बालविकास शिक्षकलाई अपहेलना गरिन्छ तबसम्म शिक्षाको जग कहिल्यै बलियो हुनेवाला छैन । शिक्षक शिक्षकमा साैतेनी व्यवहार गरेर शिक्षामा गुणस्तर हुँदैन । हाम्रो देशमा बालविकासका शिक्षकलाई हेर्न नजर कहिले पनि बदलिएन । बालविकास शिक्षक बालबालिकाको सर्वाङ्गिण विकासमा निरन्तर घोटिएर काम गरेका छन् ।’
उनले बालविकास शिक्षकहरू थोरै पारिश्रमिकमा खटिनु परेको र कतिपय बालशिक्षहरुलाई विद्यालयमा समेत हिंसा गरिएको बताइन् । अनेकौं समस्याकाबीच बालविकास शिक्षकहरू फुटेर नभई जुटेर अगाडि बढ्नुपर्ने बताइन् ।
उनले भनिन्,‘एकले थुकी सुकी धेरैले थुकी नदी भने झैं हामी सबै जुटेर जाने हो भने हाम्रा माग पूरा गर्न सरकार बाध्य हुन्छ ।’
Copyright © All right reserved to webtvkhabar.com Site By: SobizTrend Technology
