काठमाडौं । पूर्वशिक्षा, विज्ञान तथा प्रविधिमन्त्री देवेन्द्र पौडेलले प्रारम्भिक बालविकास सहजकर्ता (इसीडी शिक्षक) हरूको समस्या समाधानका निम्ति सबैभन्दा अगाडि लागेर आफू सम्बन्धित ठाउँमा पुग्ने बताएका छन् ।
आइतबार काठमाडौंमा आयोजित बालविकास शिक्षक केन्द्रीय समितिको पाँचौं महाधिवेशनमा बोल्दै संघीय सांसदसमेत रहेका पौडेलले इसीडी शिक्षकहरूको माग, मुद्दामा आफूले हस्ताक्षर नै गरिसकेकाले अगाडि लागेर सम्बन्धिन निकायमा धाउने बताए ।
उनले स्थानीय तहले सरकारले तोकेको तलब दिन नमान्दा आफू शिक्षामन्त्री हुँदा उनीहरूलाई मन्त्रालयमै बोलाएर ध्यानाकर्षण गराएको पनि उक्त महाधिवेशनमा बताए ।
‘तपाईंहरूको समस्या, माग, मुद्दाको बारेमा मलाई जानकारी भएको हुनाले सम्बन्धित निकायमा जानपर्यो भने तपाईंहरूको साथमा सबैभन्दा अगाडि लागेर जाने र समस्या समाधान गर्ने विश्वास म तपाईंहरूलाई व्यक्त गर्न चाहन्छु ।’, पौडेलले भने ।
Copyright © All right reserved to webtvkhabar.com Site By: SobizTrend Technology