Logo

२०८०, चैत्र १६ गते शुक्रवार

२०८०, चैत्र १६ गते शुक्रवार

नागरिक लगानी कोष स्थापनाको तेत्तीसौँ वर्षमा 

नागरिक लगानी कोष स्थापनाको तेत्तीसौँ वर्षमा 

  • 296
    SHARES
  • नागरिक लगानी कोष स्थापनाको तेत्तीसौँ वर्षमा 

    काठमाडौं । नागरिक लगानी कोष स्थापनाको ३३औँ वर्षमा प्रवेश गरेको छ ।

    images

    बचतमा प्रोत्साहन गरी लगानी बढाउने, अवकाश कोष तथा सामाजिक सुरक्षाका कार्यक्रम सञ्चालन गर्ने र पूँजी बजारमा गतिशीलता ल्याउने उद्देश्यले २०४८ सालमा स्थापना भएको कोषले हालसम्म दुई खर्बभन्दा बढी लगानी गरिसकेको जनाएको छ ।

    कोषका अनुसार चालु आर्थिक वर्षको पुस मसान्तसम्ममा दुई खर्ब पाँच अर्ब ६९ करोड लगानी गरेको छ । सोही अवधिमा कोषको खुद कोष मौज्दात रकम दुई खर्ब छ अर्ब १९ करोड छ ।

    हालसम्म मुद्दती निक्षेपमा एक खर्ब छ अर्ब २६ करोड, धितोपत्रमा २८ अर्ब २६ करोड १३ लाख, कोषका सहभागीलाई सापटी तथा आवास कर्जामा ४५ अर्ब ९२ करोड १५ लाख र समकालीन कर्जामा २२ अर्ब ६९ करोड ८० लाख लगानी गरेको कोषले जनाएको छ ।

    पुस मसान्तसम्ममा अधिकृत पूँजी र जारी पूँजी समान आठ अर्ब रहेको कोषको चुक्ता पूँजी चार अर्ब २५ करोड १० लाख रहेको छ । नागरिक लगानी कोषमा सरकारको २३ दशमलव ३४ प्रतिशत शेयर स्वामित्व छ ।

    त्यस्तै राष्ट्रिय बीमा संस्थानको ३१.५५, नेपाल स्टक एक्सचेन्जको १०, अन्य बैंक तथा वित्तीय संस्थाको १५.११ र सर्वसाधारणको २० प्रतिशत स्वामित्व छ ।

    लगानी कोषले कर्मचारी बचत वृद्धि अवकाश कोष, बीमा कोष, उपदान तथा पेन्सन कोष, लगानीकर्ता हिसाब योजना, नागरिक एकाइ योजना, नागरिक पेन्सन योजना, लगानी व्यवस्थापन, ब्रिज ग्याप लोन, सहभागी कर्जा, परियोजना कर्जा, धितोपत्र लगानी जस्ता कार्यक्रम कार्यान्वयन गरिरहेको जनाएको छ ।

    सम्बन्धित समाचार

    Copyright © All right reserved to webtvkhabar.com Site By: SobizTrend Technology