काठमाडौं । प्रधानमन्त्री पुष्पकमल दाहाल ‘प्रचण्ड’ ले विश्वासको मत पाएका छन् । सोमबार प्रतिनिधिसभाबाट प्रधानमन्त्री प्रचण्डले दोस्रो पटक विश्वासको मत पाएका हुन् ।
यसअघि गत २६ पुसमा विश्वासको मत लिएका प्रधानमन्त्री प्रचण्डले सोमबार प्रतिनिधिसभामा फेरि विश्वासको मत मागेका थिए ।
यसघि विश्वासकाे मत दिएका राष्ट्रिय प्रजातन्त्र पार्टी(राप्रपा) र नेकपा एमालेले समर्थन फिर्ता लिएपछि प्रधानमन्त्री प्रचण्डले संसद्बाट दाेस्राे पटक विश्वासकाे मत लिनुपरेकाे हाे ।
प्रतिनिधिसभामा उपस्थित २६२ सांसदहरू मध्ये दाहालको पक्षमा १७२ मत र विपक्षमा ८९ मत परेकाे छ । यसैगरी १ जना सांसद तटस्थ बसेका छन् ।
प्रधानमन्त्री दाहाललाई संसद्को सबैभन्दा ठूलो दल नेपाली कांग्रेस, नेकपा माओवादी केन्द्र, जनता समाजवादी पार्टी, नेपाल, राष्ट्रिय स्वतन्त्र पार्टी, लोकतान्त्रिक समाजवादी पार्टी, नेकपा एकीकृत समाजवादी पार्टी, नागरिक उन्मुक्ति पार्टी, जनमत पार्टी र राष्ट्रिय जनमाेर्चा पार्टीले विश्वासको मत दिएका हुन् ।
Copyright © All right reserved to webtvkhabar.com Site By: SobizTrend Technology