Logo

२०८०, चैत्र १५ गते बिहिवार

२०८०, चैत्र १५ गते बिहिवार

जिपी कोइराला पुरुष हक्कीको उपाधि आर्मीलाई

जिपी कोइराला पुरुष हक्कीको उपाधि आर्मीलाई

  • 212
    SHARES
  • जिपी कोइराला पुरुष हक्कीको उपाधि आर्मीलाई

    मोरङ । गिरिजाप्रसाद कोइराला स्मृति चौथो राष्ट्रिय पुरुष हक्की प्रतियोगिताको उपाधि विभागीय टोली त्रिभुवन आर्मी क्लबले जितेको छ ।

    images

    आर्मीले अर्को विभागी टोली पुलिस क्लबलाई पराजित गरेको हो । नेपाल हक्की संघद्वारा आयोजित उक्त प्रतियोगिताको गए राति विराटनगरको सहिद रंगशालामा भएको फाइनल खेलमा नेपाल पुलिस क्लबलाई १-० गोलअन्तरले हराएको हो ।

    यसअघि आर्मीले प्रतियोगिताको उद्घाटन खेलमा पनि पुलिसलाई पराजित गरेको थियो । आर्मी क्लब प्रतियोगिताको साविकको विजेता हो । खेलको ४१औँ मिनेटमा आर्मीका लागि काशीराज राईले गरेको गोल नै निर्णायक बन्यो । म्यान अफ द म्याच आर्मीकै नितिज न्यौपाने घोषित भए ।

    प्रतियोगिताको उत्कृष्ट गोलरक्षक पुलिसका हरिदत्त पाण्डे, उदीयमान खेलाडी सुदूरपश्चिम प्रदेशका महेश नेपाली, सर्वाधिक गोलकर्ता आर्मीका रोमन राना, उत्कृष्ट डिफेन्डर पुलिसका योगेश बारघरे र सर्वोत्कृष्ट खेलाडी आर्मीका नितिश न्यौपाने घोषित भए ।

    पुरस्कार वितरण समारोहका प्रमुख अतिथि कोशी प्रदेशका मुख्यमन्त्री हिक्मतकुमार कार्कीले विराटनगरमा दक्षिण एसियाली महिला हक्की प्रतियोगिता आयोजना गर्न आवश्यक सहयोग गर्ने बताए ।

    उनले हक्कीका लागि आवश्यक पर्ने जग्गा जोहो गरेर प्रदेश सरकारले अन्तर्राष्ट्रियस्तरको रंगशाला निर्माण गरी यस खेलमा युवापुस्तालाई आकर्षण बढाउन जरुरी रहेको उल्लेख गरे ।

    प्रदेशका सामाजिक विकास मन्त्री बुद्धिकुमार राजभण्डारी, हक्की संघका वरिष्ठ उपाध्यक्ष अनिलप्रसाद शर्मा, नेपाली कांग्रेसकी केन्द्रीय सदस्या डा.डिला सङ्ग्रौला, प्रतियोगिताका संयोजक रञ्जन थापा, नेपाल हक्की संघ मोरङका अध्यक्ष राजेश गुप्ता, विराट गोल्डकप ट्रष्टका अध्यक्ष सन्तोष बानियाँलगायतले खेलाडीलाई पुरस्कार प्रदान गरेका थिए ।

    प्रतियोगिताको उपाधि विजेता आर्मीले ७५ हजार र उपविजेता नेपाल पुलिस क्लबले ४१ हजारका साथै ट्रफी प्राप्त गरेको छ । त्यस्तै मधेस प्रदेशलाई पराजित गर्दै तेस्रो स्थान बनाएको सुदूरपश्चिम प्रदेशले २५ हजार प्राप्त गरेको छ ।

    यही चैत २२ गतेदेखि भएको सो प्रतियोगितामा आर्मी, पुलिस, कोशी प्रदेश, मधेस प्रदेश, गण्डकी प्रदेश, कर्णाली प्रदेश र सुदूरपश्चिम प्रदेशको सहभागिता रहेको थियो । 

    सम्बन्धित समाचार

    Copyright © All right reserved to webtvkhabar.com Site By: SobizTrend Technology