काठमाडौं । नेपाली कांग्रेसका महामन्त्री गगन थापाले विस्तारै नेपालीको राजनीति डरलाग्दो पाराले लोकरिझ्याइँ बाटोमा उन्मुख भएको बताएका छन् ।
शुक्रबार नेपाल प्रेस युनियनको उपत्यका तथा प्रतिष्ठान प्रदेशको प्रथम अधिवेशनलाई सम्बोधन गर्दै महामन्त्री थापाले जनताले चाहेको कुरा सुनाउन खोज्नेहरुको राजनीतिले परिवर्तन ल्याउछ या ल्याउँदैन त्यो सबैले सोच्ने विषय भएको बताए ।
उनले भने,‘लोकरिझ्याइँको राजनीतिले के गर्ने सोच्दैन । मैले के भन्ने होला भनेर सोच्छ । जे सुन्न मन लाग्छ त्यो भन्ने । त्यो कुराले परिवर्तन ल्याउछ की ल्याउँदैन भन्ने होइन । सुन्नेले जे सुनिरहको छ त्यो भन्न हुन्छ कि हुँदैन भनेर सोच्दैन् । विस्तारै विस्तारै नेपालीको राजनीति डरलाग्दो पाराले लोकरिझ्याइँको बाटोमा उद्धत हुन थालेको छ । यो दल त्यो दल भन्ने हुँदैन । यो विस्तार विस्तारै हावी हुँदै जान सक्छ । यसलाई कसैले रोक्न सक्छ भने नेपालको प्रेसले मात्र रोक्न सक्छ ।’
महामन्त्री थापाले नेपाली कांग्रेसले विश्वास गुमाएको अवस्था भएको प्रष्ट पारे । उनले अहिले कांग्रेस भोट पाएको तर विश्वास गुमाएको अवस्था रहेको उल्लेख गर्दै भोटको बारेमा चिन्ता नगरी विश्वासको बारेमा चिन्ता गर्नुपर्ने बेला भएको बताए ।
Copyright © All right reserved to webtvkhabar.com Site By: SobizTrend Technology