काठमाडौं । चन्द्रदर्शन बचत तथा ऋण सहकारी संस्थाले ११ औं वार्षिकोत्सवको अवसरमा रक्तदान कार्यक्रम आयोजना गर्दै स्वास्थ्यकर्मीहरुलाई पर्सनल प्रोटेक्सन इक्युपमेन्ट (पीपीइ) वितरण गरेको छ ।
संस्थाले नेपाल रेडक्रस सोसाइटी उपशाखा दमकको रक्तसञ्चार केन्द्रमा पुगेर संस्थाका सञ्चालक, कर्मचारी तथा शेयर सदस्यहरुले सामाजिक दुरी कायम राख्दै रक्तदान गरेका छन् ।
सो अवसरमा संस्थाले रेडक्रसको सञ्चार केन्द्रमा कार्यरत कर्मचारीहरुलाई पीपीइ सेटसमेत वितरण गरेको संस्थाका अध्यक्ष सान्तकुमार राई (सन्तु) ले जानकारी दिए ।
शेयरपुँजी सवा ३ करोड, लगानी २३ करोड
झापाको पाडाजुगीस्थित संस्थाले कमल गाउँपालिकाका युवा उद्यमी व्यवसायीहरु र स्थानीय शेरबहादुर श्रेष्ठको सक्रियतामा स्थापना भएको सो सहकारी संस्थामा हालसम्म सवा ३ करोड भन्दा बढी शेयर पुँजी पुगेको बताइएको छ ।
यस्तै संस्थाको जगेडा कोषमा १ करोड ५ लाख ४९ हजार रुपैयाँ रहेको छ । कूल २ हजार ३७ जना शेयर सदस्य रहेको संस्थाको हालसम्मको वासलात ३४ करोड ९७ लाख ७८ हजार रुपैयाँ रहेको संस्थाका सचिव सञ्जयकुमार कुमालले जानकारी दिए ।
संस्थाले सदस्यहरुलाई २३ करोड रुपैयाँ भन्दा बढी ऋण लगानी गरेको छ ।
Copyright © All right reserved to webtvkhabar.com Site By: SobizTrend Technology