पुण्य घिमिरे
आशा असारमा ठुलो,
गरेथ्ये देशबासीले
उत्साह साथ रोपाइँ ,
गर्ने तयारीमा थिए !
आषाढ मासको पैलो,
गते संक्रान्तिको दिन
मेलम्ची भलबाढीले,
पुरियो यसरी किन ?
किन हो सिन्धुमा यस्तो ?
आपत्तिले सताउँछ ?
बारबार नदी आई ,
बस्ती सारा बगाउँछ ।
जनजीवनका दुःख,
हिमालीमा कतिकति !
भूकम्प पनि आएर,
सिन्धुपाल्चोक लडाउँछ ।
मेलाम्चीमा डुबाएर,
गर्यो भौतिकता क्षति !
उठलान् यी कही फेरि,
कहाँ पूर्ती हुने क्षति ?
कतै श्रीमाननै बग्दा,
श्रीमतीको वियोग भो !
छोरा छोरी बगे जम्मै,
के भयो घरबार त्यो ?
घरका मूली पाइन्नन्,
अत्तोपत्तो कहाँ छ र ?
नानी बाबु र बच्चा छन्
गर्छ रे ! देखभाल को ?
मान्छेका आँसु थामिन्नन् ,
च्याँ च्याँ चिंची छ घर्घर !
प्रेमका चुडिए माला,
खोलाकै सब राज छ ।
यतैछन् पेटका लागि,
मुम्मै दिल्ली उडाउने,
दु:खमा कष्टका पीडा,
दिई फेरि रूलाउने !
उठाउ प्रकृति सिन्धू,
के छ ? पाल्चोकको मूल,
गर्दैनन् भन्दछन् ईश,
कसैमा पनि यो भूल !
भोकले रोगले दुख्नु,
स्वाभाविकै भए पनि ,
बिपत्तीहरूको पीडा ,
असह्य अरू भैदिने !
हेलम्वू देशको स्वर्ग,
नारकीय बन्यो किन ?
सिन्धुपाल्चोकका पीडा ,
कसरी निपटिन्छन !
भगवान भरेसामै
देश यो बस्नु पर्दछ ।
राज्यको यो ब्यबस्थाले ,
देशको शीर झुक्दछ !
नपुगे दृष्टि सिन्धूमा ,
पुर्याउ अधिकारको !
केही मलम लैजाऊ,
सिन्धुमा अति नै भयो !
Copyright © All right reserved to webtvkhabar.com Site By: Sobij
