वेबटिभी खबर
एजेन्सी । उत्तरपश्चिम प्रजातान्त्रिक गणतन्त्र कंगाेको इक्वेटर प्रान्तमा चार दिनअघि झण्डै ३०० यात्रु बोकेको डुंगा डुब्दा मृत्यु हुनेको संख्या ४७ पुगेको छ ।
यातायातमन्त्री मार्क एकिलाले सोमबार जनाए अनुसार कंगाे नदीमा शुक्रबार राति भएको जहाज दुर्घटनामा कम्तीमा ४७ जनाको ज्यान गएको छ भने, एक जना अज्ञात छन् । यात्रुको अत्यधिक चापका कारण सो दुर्घटना बताइएको छ ।
आइतबार जारी गरिएको भिडियो रिपोर्टमा प्रान्तका डेपुटी गभर्नर टेलर एनगान्जीले २८ वटा शव फेला परेको र पीडितका आफन्तहरूले २६१ जना बेपत्ता भएको उल्लेख गरेका छन् ।
घटनास्थलमा पुगेका डेपुटी गभर्नरले दोषीलाई कडा कारबाही गरिने बताएका छन् । प्रान्तीय अधिकारीहरूका अनुसार उक्त डुंगा शुक्रबार अबेर कंगाे नदीमा रहेको प्रान्तको बन्दरगाह शहर एमबन्दका बाट ३०० किलोमिटर टाढा रहेको बोलोम्बाको लागि छुटेको थियो । यात्रुहरूको संख्या एकिन हुन सकेको छैन ।
Copyright © All right reserved to webtvkhabar.com Site By: Sobij
