भोजपुर । षडानन्द नगरपालिकामा रहेका सम्पूर्ण विद्यालयमा कार्यरत बाल शिक्षक तथा कर्मचारीले तलब बृद्धिको माग गर्दै नगरपालिकाको पाचौँ नगरसभालाई अवरुद्ध गरेका छन् । उनीहरूले नगरसभालाई करिब तीन घण्टा अबरुद्ध गर्दै तलब वृद्धिको माग गरेका हुन् । 

मागहरू बारम्बार राखे पनि पालिकाबाट बेवास्था गरेपछि पुनः विरोध गर्नु परेको विद्यालय कर्मचारी तथा बाल शिक्षक समितिमा सचिव अम्बर राईले जानकारी दिए । नेपाल सरकारले तोकेको न्यूनतम परिश्रमिकसम्म नपाएको र अर्थमन्त्रीबाट बजेट भाषणमा १५ हजार पुर्याईने भनिएको तलबमा समेत नगरपालिकाले आनकानी गरेको उनीहरूको अरोप छ । 

तलब संघीय सरकारबाट मासिक दुई हजार र स्थानीय सरकारबाट बाँकी रकम थपगरी न्यूनतम तलब १५ हजार पुर्याउनुपर्ने माग पत्रमा उल्लेख छ । नगरपालिकाले सो मागको सम्बोधन नगरेपछि विरोध गर्नु परेको सचिव राईको भनाइ छ ।

अन्दोलनमा उपस्थित सावित्रा माविमा कार्यरत कार्यलय सायक लेखापाल सन्तोष राई भन्छन्, ‘विद्यालयको प्रशासनिक काम मात्र हैन मैले पाँच पिरियड पढाउनुपर्छ तर पनि न्यूनतम तलब पाइनँ ।  म त एउटा प्रतिनिधि पात्र हुँ । म जस्ता सयौँ छन् । सकारले नै वेवस्ता गरेपछि हाम्रा पीडा कस्ले बुझ्ने ?' 

नगरपालिकाको तर्फबाट मागको सम्बोधन गर्ने क्रममा वडा अध्यक्षहरूको प्रतिनिधित्व गर्दै वडा-८ का वडा अध्यक्ष किशोर राईले संघीय सकारबाट परिपत्र नआएको र कुनै जानकारी प्राप्त नभए पनि तलब बृद्धि गर्ने आश्वासन दिए । नगपालिकाका मेयर वीरबल राईले पनि सोहि कुरालाई जोड दिदै तलब बुद्धि गर्ने आश्वासन दिएका छन् ।

शिक्षकहरूले माग सम्बोधन नभएसम्म आन्दोलन जारी राख्ने समेत बताएका छन् । 

विद्यार्थीलाई पढ्ने बानी बसाल्न यस्तो उपाय

बाल शिक्षिका र विद्यालय सहयोगीको तलब १५ हजार पुर्याइयो

तोकिएको तलब नपाएपछि ईसीडी शिक्षक आन्दोलित

शिक्षाको व्यापार बन्द गर भन्दै प्रदर्शन [फोटोफिचर]

शिक्षकलाई पनि ५ दिन पर्यटन काज बिदा 

तलब घटाएपछि बाल शिक्षक तथा कर्मचारी आन्दोलित