वेबटिभी खबर
संखुवासभा । संखुवासभाको मकालु गाउँपालिका-२ लिम्दुसामा आगलागी हुँदा नगद दुई लाखसहित २० लाखबराबरको क्षति भएको छ ।
आगलागीबाट मकालु-२ लिम्दुसाका फुदोर्ची शेर्पाको घर जलेर नष्ट भएको वडाध्यक्ष छोपाल शेर्पाले जानकारी दिए । आगलागीबाट करिब २० लाखबराबरको क्षति भएको वडाध्यक्ष शेर्पाले बताए ।
आगलागीबाट दुई तोला सुन, दुई लाख नगद, अन्न, लत्ताकपडासहितका सामान जलेर नष्ट भएको वडाध्यक्ष शेर्पाले बताए । गए राति खाना पकाउने ठाउँबाट सल्किएर आगो लागेको थियो ।
Copyright © All right reserved to webtvkhabar.com Site By: Sobij
