काठमाडौं । नेकपा एमालेका नेता योगेश भट्टराईले प्रधानमन्त्री शेरबहादुर देउवालाई संसदमा विश्वासको मत दिने नदिने भन्ने कुरा भोट हाल्ने बेलामा मात्रै थाहा हुने स्पष्ट पारेका छन् ।
मालेको विघटित कार्यदलका नेताहरुले आइतबार विहान वरिष्ठ नेता माधव नेपाललाई भेटेर प्रधानमन्त्री शेरबहादुर देउवालाई विश्वासको मत दिँदा पार्टीको आधिकारिक धारणा ख्याल गर्न आग्रह गरेका थिए ।
नेपाल पक्षमा रहेका भट्टराईले प्रधानमन्त्रीलाई विश्वासको मत दिने नदिने भन्नेबारेमा अहिले केही भन्न नसकिने प्रतिक्रिया दिएका छन् ।
नेकपा एमालेमा वरिष्ठ नेता नेपाल पक्षले प्रधानमन्त्री देउवालाई विश्वासको मत दिने बताइरहेको छ भने नेपाल पक्षकै केही नेताहरू भने तटस्थ छन् ।
प्रधानमन्त्री देउवाले आइतबार विश्वासको मत लिने भएपछि नेपाल पक्षका नेताहरू आन्तरिक छलफलमा जुटेका छन् ।
शुक्रबार बसेको एमालेको स्थायी कमिटी बैठकले प्रधानमन्त्री देउवालाई विश्वासको मत नदिने निर्णय गरिसकेको छ ।
Copyright © All right reserved to webtvkhabar.com Site By: SobizTrend Technology