न चाबी भयो, न ताला– साला जिन्दगी ।
न सियो भयो, न भाला– साला जिन्दगी ।
न वासना आउँछ, न गलो सजिन्छ,
न फूल भयो, न माला– साला जिन्दगी ।
न यात्रा ठेल्न सक्छ, न ढल निकास
न बाटो भयो, न नाला– साला जिन्दगी ।
न जोखेर बेच्नु, न त पकाई खानु
न मासु भयो, न छाला– साला जिन्दगी ।
घोटे पनि, सीपकला– घोप्टाएर पनि
न चुरो भयो, न बाला– साला जिन्दगी
न त हान्न मिल्छ, न थाप्नै सकिन्छ
न झापट् भयो, न गाला– साला जिन्दगी ।
मज्जाले मताउने, न मात्दै नमात्ने,
न शुरा भयो, न प्याला– साला जिन्दगी ।
Copyright © All right reserved to webtvkhabar.com Site By: SobizTrend Technology