काठमाडौं– म्यानचेस्टर युनाइेडले मुख्य प्रशिक्षक ओले गनर सोल्सायरसँगको सम्झौता थपेको छ। क्लबका पूर्व खेलाडी समेत रहेका नर्वेका सोल्सायरले शनिबार युनाइटेडसँग तीन वर्षे नयाँ सम्झौता गरेका हुन् ।
नयाँ सम्झौता अनुसार सोल्सायर सन् २०२४ सम्म युनाइटेडमा बस्नेछन् । थप एक वर्षको विकल्प समेत राखिएको छ । ४८ वर्षीय सोल्सायर सन् २०१८ डिसेम्वरमा युनाइटेड फर्किएका थिए ।
जोसे माउरिन्होको बर्खास्ती पछि उनले युनाइटेड सम्हाल्ने मौका पाएका थिए। केयरटेकरको भूमिका युनाइटेड आएका उनले तीन महिनापछि नै स्थायी प्रशिक्षक बन्दै क्लबसँग ३ वर्षको सम्झौता गरेका थिए ।
सन् १९९६ देखि २००७ सम्म युनाइटेडका खेलाडी रहेका सोल्सायरले गत वर्ष युनाइटेडलाई इंग्लिस प्रिमियर लिगको उप–विजेता बनाएपछि उनललाई क्लबले सम्झौता नविकरण गरेको हो ।
सोल्सायरको प्रशिक्षणमा युनाइटेड युरोपा लिगको फाइनल पनि पुगेको थियो । सम्झौता नविकरणपछि उनले उत्साहि रहेको प्रतिक्रिया दिएका छन्।
Copyright © All right reserved to webtvkhabar.com Site By: SobizTrend Technology
