वेबटिभी खबर
काठमाडौं । जनकपुरधामसहित मिथिलाञ्चल क्षेत्रमा आज ‘बेलतोडी’ विधि सम्पन्न भएको छ । दशैंमा माता दुर्गाको माटोले बनाइएको मुर्तिको आँखा उघार्न (खोल्न) का निम्ति बेल तोडर ल्याइन्छ । सोही बेलको डाँटले माताको आँखा खोल्ने विधि सम्पन्न गरिन्छ । जुन स्थानमा धातु वा ढुंगाको मूर्ति हुन्छ सो स्थानको छेउमा तोडिएको बेललाई राखिन्छ ।
बेलतोडी भन्दा एक दिन अघि (हिजो) बेललाई निम्तो दिने विधि ‘बोलनौती’ गरिएको थियो । जनकपुरधामको राजदेवी मन्दिरबाट निस्किएको नेपाली सेनाको बाजागाजासहितको टोलीले माता राजदेवीलाई सलामी दिँदै बेलतोडी विधि सम्पन्न गरेको छ ।
बेलतोडी विधि सम्पन्न भएसँगै भोली दिउँसोसम्मका लागि खोईँच भराई कार्यक्रम सुरु भएको छ । भक्तजनहरुले माता राजदेवीलाई आज राती १२ बजेपछि लड्डु चढाउन लाइन लाग्छन् । त्यस्तै भोली खोँइच भराई कार्यक्रम पश्चात राती महापूजा हुनेछ । त्यसपछि बोकाबली कार्यक्रम सुरु हुनेछ ।
Copyright © All right reserved to webtvkhabar.com Site By: Sobij
