कोरोनापछिको शिवरात्रीमा भक्तजनको भीड [फोटोहरू]

फाल्गुण २७, २०७७ बिहिवार १३:२५ बजे

706

कोरोनापछिको शिवरात्रीमा भक्तजनको भीड [फोटोहरू]

काठमाडौं । महाशिवरात्री पर्वका अवसरमा बिहीबार देशभरका शिवालयमा भक्तजनको भीड लागेको छ ।

कोरोनाको जोखिम कायमै रहे पनि भक्तजन मास्कलगायत स्वास्थ्य सुरक्षाका मापदण्ड अपनाएर दर्शन एवं पूजा आराधनाका लागि शिवालयमा गएका हुन् ।

पशुपतिनाथ मन्दिरमा बिहान साढे ११ बजेसम्म करिब साढे दुई लाख दर्शनार्थीले दर्शन गरेका छन् ।

यसैगरी काठमाडौँ महानगरपालिका-३२ स्थित पेप्सीकोला टाउनप्लानिङमा रहेको नागेश्वर महादेव मन्दिरमा पनि आज बिहान ३ बजेदेखि नै भक्तजनका लागि चार ढोका खोलेर दर्शन गर्ने व्यवस्था मिलाइएको छ ।

यसैगरी गोकर्णेश्वर महादेव मन्दिरमा पनि बिहानैदेखि भक्तजनको भीड लागेको छ ।

पशुपतिनाथमा श्रीयन्त्र र गोकर्णेश्वर महादेव मन्दिरमा बालयन्त्रको पूजा आराधना हुने भएकाले पशुपतिनाथमा दर्शनपछि दुवै यन्त्रको महत्व बुझेका भक्तजन गोकर्णेश्वर महादेव मन्दिरमा समेत दर्शनका लागि जाने गरेका छन् ।

काठमाडौंसहित देशका विभिन्न ठाउँमा रहेका शिव मन्दिरमा भक्तजनहरू पूजा गर्दै