वेबटिभी खबर
सर्लाही । सर्लाहीका दुई अलग स्थानमा एक साताको अन्तरालमा दुई किशोरीको संकास्पद मृत्यु भएको छ ।
दुवै किशोरीको मृत्युमा तीन कुरा समान पाइएको छ । घरबाट हराएको केही दिनमा मृत अवस्थमा फेला पर्नु, दुबैको शव गाउँ नजिकैको खोलमा भेटिनु र दुबैको उमेर १६ वर्ष हुनु ।
साउन ३१ गते घरबाट हराएकी लालबन्दी नगरपालिका १७ कि प्रियंका भुजेलको शव मंगलबार राति गाउँ नजिकैको कालिन्जोर खोलमा भेटिएको थियो ।
उनको मृत्यु संकास्पद छ । उनको हत्या भएकोभन्दै स्थानीयले बुधबार लालबन्दीमा दोषीलाई कारबाही माग गर्दै पूर्वपश्चिम राजमार्ग अवरुद्ध पनि गरे ।
त्यसगरी बरहथवा नगरपालिका ११ हिरापुरकी १६ वर्षीया लालो राउत साउन २७ गते साँझ घरबाट हराइन् । भोलिपल्ट उनको शव मनुष्मारा खोलको व्यारेजमा फेला पर्यो । लालोको शव हात बाँधेको अवस्थामा फेला परेको थियो ।
दुबैको हत्या भएको स्थानीयले दावी गरेका छन् । प्रहरीले अनुसन्धान भइरहेको बताए पनि दोषी किटान गर्न सकेको छैन् । किशोरीको हत्या हुने क्रम बढ्दा स्थानीय त्रसित भएका छन् ।
किशाेरीकाे हत्याजस्ताे जघन्य अपराध गर्नेलाई पहिचान गरी कारबाही गर्न प्रहरीलाई दवाव बढेको छ । प्रहरीले यस्ता घटनामा दोषी पहिचान गरेर कारबाही गर्न नसके अपराधीहरुको मनोबल बढेर थप अपराध बढ्ने भन्दै स्थानीयले चिन्ता व्यक्त गरेका छन् । 
किशोरीको शव खोलामा भेटिएपछि दोषीमाथि कारबाही माग गर्दै चक्का जाम
Copyright © All right reserved to webtvkhabar.com Site By: Sobij
