काठमाडौं- रोल्पा नगरपालिका –१० थवाङमा वर्षाका कारण राति आएको पहिरोले घर पुरिँदा दुई जनाको मृत्यु भएके छ । मृत्यु हुनेमा ५ वर्षीय बालक र ७० वर्षीया महिला रहेको प्रहरीले जनाएको छ । प्रहरीका अनुसार मृत्यु हुने हजुरआमा र नाती हुन ।
जिल्ला प्रहरी कार्यालय रोल्पाका प्रमुख प्रहरी डिएसपी नरेशराज सुवेदीले ७० वर्षीया गौरी थापा उनको नातीको मृत्यु भएको जानकारी दिए ।
राति २ बजे करिब दुई सय मिटर माथिबाट आएको पहिरोले घर पुर्दा उनीहरूको मृत्यु भएको प्रहरीले जनाएको छ । पहिरोमा घरमुली पूर्णबहादुर थापासहित दुई जना सामान्य घाइते भएका छन् ।
बालकको शव राति नै भेटिए पनि वृद्धाको भने बिहान भेटिएको प्रहरीले जनाएको छ । पहिरोले एक घर पूर्ण रूपमा र दुई घरमा क्षति पुर्याएको प्रहरीले जनाएको छ ।
Copyright © All right reserved to webtvkhabar.com Site By: Sobij
