वेबटिभी खबर
काठमाडौं । देशभर ९११ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयले आइतबार दिएको जानकारीअनुसार विगत २४ घण्टामा कुल ११ हजार १८ जनाको नमुना परीक्षण गर्दा सो संख्याका संक्रमित थपिएका हुन् ।
यसै अवधिमा १ हजार ४२३ जना कोरोनाबाट निको भएका छन् भने थप १३ जनाको संक्रमणका कारण निधन भएको छ । यो संख्यासहित हालसम्म कोरोनाबाट ज्यान गुमाउनेको संख्या १० हजार ९४९ पुगेको छ ।
मन्त्रालयकाअनुसार हाल देशभर सक्रिय संक्रमितको संख्या २६ हजार ७५७ पुगेको छ । कुल संक्रमितमध्ये निको हुनेको दर ९५.१ प्रतिशत छ भने सक्रिय संक्रमितको दर ३.४ र मृत्यु हुनेको दर १.४ प्रतिशत छ ।
Copyright © All right reserved to webtvkhabar.com Site By: Sobij