वेबटिभी खबर
काठमाडौं । नेकपा एमालेले कार्यकाल स्थानीय जनप्रतिनिधिहरूको राष्ट्रिय भेला आयोजना गर्ने भएको छ । कार्यकाल सकिन ६ महिना बाँकी रहेका स्थानीय तहका जनप्रतिनिधिहरूको राष्ट्रिय भेला गर्न लागेको हो ।
पार्टीको विधान महाधिवेशनमा सहभागी हुन आएका स्थानीय तहका प्रमुख उपप्रमुख, जिल्ला समन्वय समितिका प्रमुख उपप्रमुखसहितको राष्ट्रिय भेला आयोजना गरिएको हो । स्थानीय तह विभागले आयोजना गरेको भेलालाई अध्यक्ष केपी शर्मा ओलीलगायतका नेताहरूले सम्बोधन गर्ने कार्यक्रम रहेको बताइएको छ ।
सोमबार राष्ट्रिय सभा गृहमा आयोजित भेलामा नगरपालिका संघका अध्यक्ष अशोक ब्यान्जु र गाउँपालिका महासंघका अध्यक्ष होमनारायण श्रेष्ठलगायतले स्थानीय तहमा देखिएका समस्या र अवसरका बारेमा बोल्दैछन् ।
Copyright © All right reserved to webtvkhabar.com Site By: Sobij