नयाँ दिल्ली । बलिउड फिल्म सूर्यवंशीले प्रदर्शनको पाँचौं दिन मंगलबार भारतमा मात्र सय करोडको व्यापार गर्ने निश्चित भएको छ । सोमबार साँझसम्म फिल्मले ९० करोडको व्यापार गरिसकेको छ ।पाँचौं दिन मंगलबार सजिलै सय करोडभन्दा बढीको व्यापार गर्ने अनुमान गरिएको छ ।
आइतबारसम्म भारतमा बिदा भएकाले फिल्मले बढी ब्यापार गरेको थियो । तर बिदा सकिएको दिन सोमबार भने फिल्मले १२ करोड मात्र संकलन गरेको भारतीय संचारमाध्यमले जनाएका छन् । गत शुक्रबार प्रदर्शन भएको अक्षय कुमार र कट्रीना कैफ अभिनित सूर्यवशीले पहिलो दिन नै २६ करोड २९ लाखको व्यापार गरेर सानदार ओपेनिङ गरेको थियो ।
शनिबार व्यापार थोरै घटेर साढे २४ करोड मात्र भयो । सूर्यवंशीले आइतबार भने व्यापार केही बढाएर २६ करोड ९४ लाख पुर्याएको थियो । भारतमा मात्र ९० करोडको व्यापार गरेको उक्त फिल्म भारतबाहेक विश्वका १३०० पर्दामा एकसाथ रिलिज भएको थियो । विदेशमा गरेको व्यापारसमेत जोड्दा सूर्यवंशीले एक सय एक करोडको व्यापार गरीसकेको छ ।
Copyright © All right reserved to webtvkhabar.com Site By: SobizTrend Technology