वेबटिभी खबर
रौतहट । तलब नपाएपछि फतुवा विजयपुर नगरपालिकाको शिक्षा शाखामा शिक्षक र कर्मचारीहरूले तालाबन्दी गरेका छन् ।
५ महिनादेखि तलब नपाएपछि नगरपालिकाभित्रका विद्यालयमा नियमित अध्यापन गराउँदै आएका शिक्षक र कर्मचारीहरूले तालाबन्दी गरेका हुन् ।
सरस्वती प्राविका प्रधानाध्यापक सुबोध यादवकाे भनाइमा विद्यालय कर्मचारी गोविन्द चौधरीको अगुवाइमा शिक्षक र कर्मचारीले नगरपालिकाका कर्मचारीलाई बाहिर निकालेर शिक्षा शाखामा तालाबन्दी गरिएकाे हाे ।
फतुवा विजयपुरका नगरप्रमुख गोपाल यादवलगायत जनप्रतिनिधिले तलब निकासा गराउन कुनै पहल नगरेको तथा नगर शिक्षा संयोजक हरेन्द्र यादव सधैं अनुपस्थित रहने गरेको गुनासो शिक्षकहरूले गरेका छन् ।
Copyright © All right reserved to webtvkhabar.com Site By: Sobij
