काठमाडौं । नेकपा माओवादी केन्द्रको आठौं महाधिवेशनको तेस्रो दिन आज पनि प्रज्ञा प्रतिष्ठानमा जारी छ । सोमबार बन्दसत्रमा अध्यक्ष पुष्पकमल दाहाल ‘प्रचण्ड’ ले वैचारिक तथा राजनीतिक प्रतिवेदन प्रस्तुत गरे ।
साे प्रतिवेदनमाथि आज मंगलबार प्रदेशगतसहित २५ समूहमा छलफल भइरहेको छ । माओवादीकाे उक्त प्रतिवेदनमाथि विभिन्न राजनीतिक पार्टी र तप्काले टिप्पणी गरिरहेका छन् ।
माओवादीको राजनीतिक प्रतिवेदनमाथि पूर्वमाओवादी नेता, पूर्वप्रधानमन्त्री एवम् जनता समाजवादी पार्टी, नेपाल (जसपा) का संघीय परिषद् अध्यक्ष डा.बाबुराम भट्टराईले पनि टिप्पणी गरेका छन् ।
प्रतिवेदन पढेकेपछि सामाजिक सञ्जाल ट्वीटरमा संक्षिप्त टिप्पणी राखेका डा.भट्टराईले प्रतिवेदन पुरानै एकदलीय व्यवस्थाको धङधङी बोकेको काल्पनिक समाजवादको स्वैरकल्पनाको पोको जस्तो भएको बताएका छन् ।
‘माओवादी केन्द्रको महाधिवेशनमा प्रस्तुत दस्तावेज सर्सर्ती पढ्दा पुरानै एकदलीय व्यवस्थाको धङधङी बोकेको काल्पनिक समाजवादको स्वैरकल्पनाको पोको जस्तो लाग्यो । फेरि एक पटक असली बाजेको पेडा बेच्ने होडबाजी चल्नेभो ! अबोध कार्यकर्ता केही वर्ष अरू झुक्किने भए ! शुभकामना !’ डा.भट्टराईको टिप्पणी छ ।
माओवादी केन्द्रको महाधिवेसनमा प्रस्तुत दस्तावेज सर्सर्ती पढ्दा पुरानै एकदलीय व्यवस्थाको धंगधंगी बोकेको काल्पनिक समाजवादको स्वैरकल्पनाको पोको जस्तो लाग्यो।फेरि एकपटक असली बाजेको पेडा बेच्ने होडबाजी चल्नेभो!अबोध कार्यकर्ता केही बर्ष अरू झुक्किने भए!शुभकामना! https://t.co/QApm2qI3Vw
— Baburam Bhattarai (@brb1954) December 27, 2021
[टिप्पणी] माओवादीले पालुङटार भेलाबाट नै बाटो बिराएको हो
Copyright © All right reserved to webtvkhabar.com Site By: SobizTrend Technology