एजेन्सी
काठमाडौं । शरिरलाई स्वस्थ राख्न दैनिक व्यायाम जरुरी हुन्छ । नियमित व्यायामले प्रतिरक्षा प्रणाली बढाउनुका साथै राम्रो निन्द्रा पर्छ ।
मांसपेशी निमार्ण गर्न, ह्दय प्रणाली बलियो बनाउन, एथलेटिक कौशल वृद्धि गर्न, तौल घटाउन पनि व्यायामले मद्दत गर्छ । नियमित व्यायाम गर्दा अनेकौं रोगबाट बच्न सकिन्छ । ह्दय घात, रक्त नली रोग, टाइप २ मधुमेह, मोटोपना, मानसिक स्वास्थ्य सुधार गर्न र तनाव रोक्न पनि व्यायामको ठूलो भूमिका हुन्छ ।
साइकल चलाउने, पौडी खेल्ने, हिँडने, रोइङ गर्ने, दौडिने, पैदल यात्रा गर्ने अथवा टेनिस खेल्ने जस्ता एरोबिक व्यायामले मुटुको स्वास्थ्य सुधार ल्याउने देखाएको छ ।
व्यायाममा दौडिने, हिँड्ने, कुस्ती खेल्ने, जिम्न्याटिक, हक्की, किक्रेट, टेनिसजस्ता खेलकुद अभ्यासलगायत आफूलाई पर्ने गतिविधि गर्न सकिन्छ ।
व्यायामका फाइदाहरु
मानव शरिरलाई स्वस्थ राख्नको लागि व्यायाम निकै महत्वपूर्ण माध्यम हो ।
व्यायाम गर्दा शरिरको हरेक अंग स्वस्थ रहन्छ । व्यायाम गरेका बेला ह्दय र फोक्सोले बढीम गर्नुपर्छ जसले गर्दा रगत सफा हुन्छ ।
यसले शरिर लचिलो बन्छ ।
टेवुलमा बसेर काम गर्ने, बौद्धिक काम मात्र गर्ने, शिक्षक, डाक्टर, वकिल, कम्प्युटर अपरेटर आदिका लागि व्यायाम अति जरुरी हुन्छ ।
व्यायामले शरीरलाई सुन्दर पनि बनाउँछ र रोगसँग लड्ने शक्ति बढ्छ । धेरै व्यायामले हानि पुर्याउन सक्छ। थकित हुँदा व्यायाम गर्न बन्द गर्नुपर्छ।
Copyright © All right reserved to webtvkhabar.com Site By: Sobij
