नयाँ दिल्ली । केन्द्रीय स्वास्थ्य मन्त्रालयका अनुसार भारतमा पछिल्लो २४ घण्टामा कोरोना भाइरसबाट एक लाख २६ हजार सात सय ८९ संक्रमित भएको पुष्टि भएको छ ।
यो अवधिमा करिब ६० हजार संक्रमित अस्पतालबाट डिस्चार्ज भएका छन् । एकै दिनमा मृत्यु हुनेको संख्या छ सय ८५ रहेको छ ।
सरकारी तथ्यांकअनुसार भारतमा हालसम्म कोरोनाबाट एक लाख ६६ हजार आठ सय ६२ को मृत्यु भएको छ । देशमा कोरोनाका नौ लाख १० हजार सक्रिय संक्रमित रहेका छन् ।
स्वास्थ्य मन्त्रालयका अनुसार हालसम्म नौ करोड एक लाख ९८ हजारभन्दा बढी कोरोनाविरुद्धको खोप दिइसकिएको छ ।
Copyright © All right reserved to webtvkhabar.com Site By: Sobij
