वेबटिभी खबर
सिन्धुपाल्चोक । सिन्धुपाल्चोक जिल्लामा ई-पासपोर्ट (विद्युतीय राहदानी) वितरण थालिएको छ । जिल्ला प्रशासन कार्यालय सिन्धुपाल्चोकले आइतबारबाट ई-पासपोर्ट वितरण सुरु गरेको हो ।
प्रमुख जिल्ला अधिकारी वेदनिधि खनालले सेवाग्राही सीता लघुलाई ई-पासपोर्ट हस्तान्तरण गर्दै सेवा थालिएको जानकारी दिए । जिल्ला प्रशासन कार्यालय, सिन्धुपाल्चोककाअनुसार गत पुस ९ गतेबाट सेवाका लागि आवेदन संकलन गरिएको थियो ।
२८६ सेवाग्राहीले दिएको आवेदनमध्ये १३२ को ई-पासपोर्ट वितरणको क्रममा रहेको छ । आवेदन दिएको १५ दिनभित्र ई-पासपोर्ट वितरण हुने जिल्ला प्रशासन कार्यालय सिन्धुपाल्चोकले जनाएको छ ।
Copyright © All right reserved to webtvkhabar.com Site By: Sobij
