वेबटिभी खबर
बाग्लुङ । जैमिनी नगरपालिकाले १५ शय्याको नगर अस्पताल बनाउने भएको छ । जैमिनी नगरपालिका-१ को कुश्मीसेरामा उक्त अस्पताल बन्ने भएको हो ।
एक पालिका एक अस्पताल बनाउने सरकारी निर्णय र पालिकाको आवश्यकतासमेत अस्पताल निर्माण अभियान थालिएको नगरप्रमुख इनद्रराज पौडेलले बताए । हाल कुश्मीसेरामा प्राथमिक स्वास्थ्य केन्द्र छ ।
उक्त केन्द्रमा विशेषज्ञ डाक्टरसहितको स्वास्थ्यकर्मीको व्यवस्था गर्ने, नगर अस्पतालमा पनि डाक्टरको व्यवस्था गर्ने पौडेलले बताए । प्रमुख प्रशासकीय अधिकृत ज्ञानराज कोइरालाका अनुसार नागरिकलाई स्वास्थ्य सेवाको पहुँच बढाउन नगर अस्पतालको अवधारणा आएको उनको भनाइ छ ।
नगरपालिकाको स्वास्थ्य नीति अनुसार १५ शय्याको अस्पताल बनाउन ६ रोपनी जग्गा व्यवस्थापन गरिसकेको कोइरालाले बताए । वडा नं-१को टारमा ६० लाख लगानी गरेर नगरपालिकाले जग्गाको व्यवस्थापन गरिसकेको छ । जैमिनीमा नगर अस्पताल नहुँदा स्थानीयले सामान्य बिरामी भएपनि सदरमुकाम र पोखरा धाउनुपर्ने बाध्यता छ ।
Copyright © All right reserved to webtvkhabar.com Site By: Sobij
