नेपालगञ्ज । बाँकेका तीन जनामा कोरोना संक्रमण पुष्टि भएको छ । भेरी अस्पताल, नेपालगञ्जमा शंकास्पद तीनजनाको नमूना परीक्षण गर्दा आज उनीहरूमा संक्रमण देखिएको जिल्ला कोभिड-१९ संकट व्यवस्थापन केन्द्र बाँकेका फोकल पर्सन तेज वलीले जानकारी दिए ।
उनले २ पुरुष र १ महिलामा संक्रमण पुष्टि भएको उल्लेख गर्दै उनीहरू होम आइसोलेशनमा बसेको बताए । कोभिड पुष्टि भएका दुई नेपालगञ्ज-१८ र एकजना नेपालगञ्ज-१० का हुन्।
केही दिन यता नेपालगञ्जको जमुनाहा नाकामा बाहिरी जिल्लाका नागरिकहरूमा पनि संक्रमण देखिन थालेको छ । फोकल पर्सन वलीले स्वास्थ्य सुरक्षाका मापदण्डको पालना गर्न आग्रह गर्दै कोभिड खोप लगाउन र दोस्रो मात्रा पूरा लगाएको तीन महिना पुगेकाहरूलाई बुस्टर खोप लगाउनसमेत आग्रह गरेका छन् ।
सो नाकामा स्वास्थ्य कार्यालयको हेल्प डेस्क खडा गरेरसमेत नियमित कोरोनाको परीक्षण हुँदै आएको छ ।
Copyright © All right reserved to webtvkhabar.com Site By: SobizTrend Technology