वेबटिभी खबर
काठमाडौं । नेकपा एमाले संसदीय दलका उपनेता तथा पार्टीका स्थायी समिति सदस्य सुवासचन्द्र नेम्वाङले लुम्बिनी प्रदेशसभाकी सदस्य विमला खत्री वली सुर्य चिन्हबाट निर्वाचित सांसद रहेको बताएका छन् ।
सर्वोच्च अदालतले २३ फागुनमा नेकपाबाट नेकपा माओवादी केन्द्र र नेकपा एमाले ब्युँताएपछि विमला लगातार एमाले संसदीय दलको बैठकमा उपस्थित भएर हस्ताक्षर गरेकाले उनी एमालेकै सांसद रहेको प्रष्ट प्रमाण रहेको नेम्वाङले बताए ।
उपनिर्वाचनमा विजयी जनप्रतिनिधिको हैसियत सर्वोच्च अदालतबाट एमाले र माओवादी ब्युँतिएपछि के हुने भन्ने विवादको न्यायिक निरुपण भइसकेको छैन । एकीकृत नेकपाबाट दुई पार्टी ब्युँतिएसँगै पूर्वमाओवादीहरू माओवादीतिरै र एमालेहरू एमालेतिरै रहेका थिए ।
०७६ मंसिरको उपनिर्वाचनमा नारायणकाजी श्रेष्ठ, विद्या भट्टराईहरूसँगै कमला खत्री वली नेकपाबाट लुम्बिनी प्रदेशसभा सदस्यमा विजयी भएकी थिइन् ।
अहिले श्रेष्ठ माओवादीको प्रवक्ता छन् भने भट्टराईसँगै विमला पनि एमालेकै दलको बैठकमा सहभागी हुँदै आएकी थिइन् । वली माओवादी केन्द्रमा प्रवेश गरेपछि उनीमाथि एमालेले कानुनी उपचार खोजिरहेको छ ।
विमलाले माओवादीको सदस्यता लिएको पुष्टि भएमा एमालेले कारबाही गरी उनलाई सांसद पदमुक्त गराइने नेम्वाङले बताए ।
Copyright © All right reserved to webtvkhabar.com Site By: Sobij
