वेबटिभी खबर
![साउन १ गतेदेखि कर्मचारी हटाइने [सूचनासहित]](https://www.webtvkhabar.com/media-file/images/2022/03/1647243338-PPdel.jpg)
काठमाडौं । बर्दिबास नगरपालिकाले नगरभित्रका करार कर्मचारी हटाउने भएको छ । आउँँदो १ साउनदेखि २०७९/०८० मा खर्च कटौती गर्नुपर्ने कारण देखाउँदै नगरपालिका, वडा र स्वास्थ्य कार्यालयका करारमा कार्यरत कर्मचारी हटाउन लागेको हो ।
अत्यावश्यकबाहेकका कर्मचारी हटाउने उल्लेख गरे पनि नगरले १ साउनदेखि करार तथा ज्यालादारीमा रहेका कर्मचारीलाई हाजिर नगराउन निर्देशनसमेत दिइसकेको छ ।
कार्यसम्पादनमा बाधा नपुग्नेगरी कर्मचारी हटाउने निर्णय गरेको नगरपालिकाका प्रवक्ता विजय महतोले बताए । उनले भने, ‘अघिल्लो सरकारले करारमा नियुक्त गरेका ६२ जना शिक्षकको विषयमा भने निर्णय आउन बाँकी छ । बैठक बसेर के गर्ने भन्ने विषयमा टुंगो लगाउँछौँ ।’
नगरपालिकाका सूचना अधिकारी सोम फुयाँलका अनुसार विद्यालयका शिक्षकबाहेक अहिले नगरभित्र लगभग ५० को हाराहारीमा कर्मचारी करारमा काम गर्दै आएका छन् । कर्मचारी हटाउने विषयमा गरिएको निर्णयमाथि नगरवासीको मिश्रित प्रतिक्रिया आएका छन् ।
खर्च कटौती गर्ने नाममा अघिल्लो स्थानीय सरकारका नियुक्ति खारेज गर्ने र नयाँ नियुक्ति गर्ने परिपाटीको विकास गर्न खोजेको कतिपयको आरोप छ भने कतिपयले नगरको निर्णयलाई स्वागत गरेका छन् ।
Copyright © All right reserved to webtvkhabar.com Site By: Sobij
