वेबटिभी खबर
काठमाडौं । नेकपा एमाले बागमती प्रदेशको प्रमुख सचेतकमा दीपक निरौला चयन भएका छन् । तत्कालीन प्रमुख सचेतक केशव पाण्डे प्रदेशको आन्तरिक तथा कानून मन्त्रीमा नियुक्त भएपछि रिक्त रहेको सो पदमा निरौला चयन भएका छन् ।
संसदीय दलका नेता तथा बागमती प्रदेशका मुख्यमन्त्री डोरमणि पौडेलले दलको विधान २०७७ को दफा १३ बमोजिम निरौलालाई प्रमुख सचेतकमा चयन गरेका हुन् ।
निरौलालाई गत १७ गते मुख्य सचेतकमा नियुक्त गरी आज बागमती प्रदेशसभा सचिवाललाई जानकारी समेत गराइएको छ । काठमाडौं क्षेत्र नम्बर ५ अन्तर्गत निर्वाचित प्रदेशसभा सदस्य निरौला एमाले काठमाडौं जिल्ला कमिटीका सचिव समेत हुन् ।
Copyright © All right reserved to webtvkhabar.com Site By: Sobij
