वेबटिभी खबर
एजेन्सी । उत्तरी क्यालिफोर्नियामा डढेलो फैलिएपछि त्यस क्षेत्रका मानिसलाई सुरक्षित क्षेत्रमा जाने आग्रह गरिएको छ ।
करिब एक हजार एकडभन्दा बढी क्षेत्रमा फैलिएको डढेलोका कारण सो क्षेत्रका हजारौं मानिसहरूलाई क्यालिफोर्निया सरकारले आफ्नो घर खाली गर्न आदेश दिइएको हो ।
डढेलोबाट धेरै घरहरू जलेर ध्वस्त भइसकेका छन् ।
क्यालिफोर्नियामा यसअघि पनि भीषणा डढेलो लागेको थियो । सन् २०१४ मा डढेलोबाट ३ हजार जनसंख्या भएको वीड शहरमा १५० भवन जलेर नष्ट भएका थिए ।
विश्वव्यापाी तापक्रममा वृद्धि, खडेरी आदिका कारण डढेलोका घटनामा बढ्दै गएको वैज्ञानिकहरू बताउँछन् ।
खडेरीले गर्दा जमिनमा चिसोपन घटेको र डढेलो फैलिने जोखिम बढिरहेको वैज्ञानिकहरूको भनाइ छ ।
Copyright © All right reserved to webtvkhabar.com Site By: Sobij
