वेबटिभी खबर
काठमाडौं । धनगढीको सेती प्रादेशिक अस्पतालमा नौ दिनदेखि अनसनरत डा. गोविन्द केसीको स्वास्थ्य अवस्था बिग्रदै गएको छ ।
अस्पताल प्रशासनले उनको जीवन रक्षाकै लागि भ पनि जबर्जस्ती काठमाडौं लैजाने तयारी गरेको छ ।
अनसनरत केसीले भने आफ्ना माग पूरा नभइ काठमाडौं नजाने अडान लिएका छन ।
कैलालीका प्रमुख जिल्ला अधिकारी किरण थापाका अनुसार काठमाडौंबाट जसरी भए पनि डा.केसीलाई पठाउन निर्देशन आइसकेको छ ।
यही कारण आज उनलाई जबर्जस्ती भए पनि काठमाडौं लगिने उनको भनाइ छ ।
डा.केसीको उपचारमा संलग्न डा.शेरबहादुर कमरका अनुसार उनको सुगर लेवल घटेर ४० पुगेको छ ।
यस्तै प्रेसरको लेभल पनि निकै कम रहेको छ । अर्का डा.सुबेधराज कायस्थले उनको आमाशयबाट पनि रक्तश्राव भइरहेको बताएका छन् ।
Copyright © All right reserved to webtvkhabar.com Site By: Sobij
